CMS內容管理系統係咩？
CMS英文全寫係Content Management System，中文通常直接翻譯為內容管理系統。CMS顧名思義就係一個管理內容嘅系統，廣義嚟講特別係關於網站入面嘅內容，當中可以包括文字、圖片、影片等各類型嘅內容。而喺網頁設計層面上嘅CMS會幫你將內容轉化為網頁上嘅內容。
CMS類型
CMS發展至今可以從功能同使用方式上簡單地分為三大類型：
- 傳統CMS （WordPress, Drupal, Joomla, Django, etc.）
- Headless CMS（Netlify CMS, Sanity, Contentful, etc.）
- Cloud Website builder 網頁設計平台（Squarespace, Wix, Webflow, etc.）
傳統CMS
一般傳統CMS喺原先開發嘅時候都係以一體式Blog平台為開發目標，主要功能包括建立網站頁面、建立文章、管理各類內容、自動根據文章建立相應網頁頁面等等。以WordPress為例，安裝WordPress後，就自動會建立有一個網站，當用家建立新文章時，相應嘅文章嘅網頁頁面就會自動被建立出嚟。網站嘅頁面設計及顯示方式同背後嘅內容（此例為文章）都會係由WordPress統一管理。網站嘅Front-end同Back-end都係同一個「軟件」。
Headless CMS
與傳統CMS唔同，Headless CMS只會負責管理內容，用作顯示內容嘅網站喺需要以其他方式建立。以上述建立一個Blog為例，如果使用Headless CMS如Netify CMS作文章管理，就需要另外建立一個網站去顯示存放係Netify CMS嘅內容。網站嘅Front-end同Back-end就需要多過一個「軟件」。
網頁設計平台CMS功能
而將網頁設計平台(Website Builder )稱為CMS可能唔夠準確，因為網頁設計平台主要嘅目的係簡易建站，使用家直接以可視化嘅形式設計網頁，無需coding。不過好多網頁設計平台都設有CMS功能，對於一般使用者嚟講都可以同其他嘅CMS相提並論。相比起傳統CMS同Headless CMS可以自定義各種內容同內容之間嘅關系，網頁設計平台嘅CMS功能多數只能用作Blog同網店用途。
常見CMS內容管理系統
最常見嘅CMS嘅就一定係WordPress，一個係2003年發佈嘅免費同開源（open source）嘅CMS。根據BuiltWith嘅數據，流量排名前一百萬嘅網站有36.55%係用緊WordPress，可見其普及性。除咗WordPress，常見嘅CMS仲有：
- Drupal
- Joomla
- Django
- Wagtail
- Squarespace
- Wix
- Webflow
常見CMS使用例子
常見嘅使用例子係Blog同網店，Blog雖需要管理嘅內容就係文章，而網店嘅內容係網店產嘅產品。
WordPress
WordPress係一個非常流行的開源CMS，自2003年創建以來，已成為網絡上最廣泛使用嘅CMS之一。WordPress係一個特定的CMS平台，用於創建和管理網站。當中使用PHP開發，並使用MySQL數據庫。WordPress提供易於使用嘅界面，等用戶可以通過安裝插件及模板修改網站，並添加功能，而無需額外編寫代碼。
Blog
用家可以透過CMS後台簡易建立新文章、及管理現有文章。然後CMS（傳統CMS/網頁設計平台）會自動建立新網頁及更新相關網頁頁面。
網店
用家可以透過CMS後台簡易建立產品、及管理現有產品。然後CMS（傳統CMS/網頁設計平台）會自動建立新產品頁面及更新相關網頁頁面。
關於CMS嘅常見問題
CMS即
係後台？CMS同後台之間的區別在於，CMS是一種用於管理網站內容的軟件，而後台是指網站管理者用來管理網站的地方，包含網站設定、文章內容管理、分類管理、表單管理、登入權限等網站的管理功能。換句話說，後台是管理網站嘅地方，而CMS即係一個軟件/系統，當中少不了包含一個管理網站嘅地方（後台）。
所以廣義嚟講可以咁講，通常講網站後台嘅時候，後台所指嘅功能就係CMS嘅功能，特別係同傳統嘅靜態網站比較嘅時候。
CMS同網站嘅關系？
一個網站係由網頁組成，網頁上有內容，CMS就係用作簡易地管理網頁上嘅內容。當你係後台加入/更新內容時，CMS就會自動幫你將內容呈現喺網頁上面。
幾時需要用CMS?
取決於網站需求，一般網站都可以用WordPress或Webflow等網頁設計平台（指定收費計劃才有CMS功能）建立，所以即使無需要經常更新內容，都已經有內置CMS功能。
不過如果搵人幫手整網站前要了解清楚，因為唔同服務供應者使用嘅技術都可能唔同。特別係如果你想自己更新網站內容，就需要有CMS功能。另外就係要整一啲特定用途嘅網站如賣二手車平台，有唔同人可以建立或更新唔同內容，就一定要有CMS嘅存在。
點樣揀用邊隻CMS?
以整網站而言，主要取決於CMS嘅簡易使用程度、網站速度、安全性、成本、可擴展性等等。
如果你諗住自已整網站就最好用下唔同平台睇下邊種適合自己嘅需求。
作為Programmer應該學邊隻CMS好？
可以望下Strapi、Jamstack(Netlify CMS/Contentful/Sanity)、Django，但主要都係要睇下你將來想搵咩工，想做啲咩同鐘意咩language/framework。