Sitemap教學 | 簡易方法建立並提交Sitemap | 同SEO有咩關系？
咩係Sitemap(網站地圖)？ SItemap中文係網站地圖，顧名思義Sitemap就係一份文件記錄一個網站入面有咩網頁頁面。通常係兩種情況下會聽見sitemap呢個term，分別係整網站之初同埋做SEO嘅時候。而一個Sitemap嘅形式可以係圖表、普通文字形式、或者XML檔案等等，主要根據用途決定用邊種形式去表達。 Sitemap用途 Sitemap 用途十分簡單，就係比人或者搜尋器去了解一個網站入面有咩頁面，喺以下呢兩個情況就會特別需要Sitemap。 1. 網站規劃 喺網站設計前一定會計劃一下有咩頁面同內容要放落個網站入面，有一個Sitemap就會可以清晰地分析返呢個網站符唔符合目標用家嘅需求，例如一個公司網站會需要「關於我們」、「服務」/「產品」頁面等等。 2. SEO Sitemap可以方便搜尋器去crawl你嘅網站同建立索引，等搜尋器知道你嘅網站有邊啲頁面存在，從而做到SEO嘅效果。 Sitemap形式 其實Sitemap可以係圖表、文字，但喺要做到SEO效果就要係文字形式，特別常見會係XML/HTML形式。例如Google就支援呢幾種Sitemap格式： XML RSS、mRSS 和 Atom 1.0 文字 至於規劃網站時嘅Sitemap常見會係以Diagram圖表形式去做，方便大家去了解有咩頁面同網頁之間嘅關系。 Sitemap點整？ 網站規劃 – 製圖工具 Figma
