作為中小企老闆嘅你深知網上推廣嘅重要性，但隨咗網站同埋社交媒體外，好多時都會忽視咗Google Business Profile嘅存在。Google Business Profile 商家簡介係一個強而有力且免費嘅工具，可以提升你嘅「網上能見度」並吸引更多顧客。Google Business Profile 提供多項功能，讓你展示您的業務，客戶評論並與潛在客戶建立聯繫。
什麼是Google Business Profile 商家簡介？
Google Business Profile 中文稱為「商家簡介」(前稱為Google My Business 我的商家)，係一個由Google提供嘅免費服務，旨在幫助企業建立網上業務檔案。透過Google Business Profile，你嘅業務資訊可以喺Google搜尋同Google地圖上顯示，包括評分、地址、營業時間、聯絡電話等。令到潛在客戶能夠快速搵到你嘅業務資訊，並與你輕鬆聯繫。
值得注意嘅係Google My Business 「我的商家」已經更名為Google Business Profile「商業檔案」。儘管名稱有所變更，功能上亦然相同。
使用Google Business Profile 商家簡介嘅好處
利用Google Business Profile作為免費宣傳工具
「商家簡介」可以令你嘅公司能夠喺Google搜尋中突顯展示，讓潛在客戶更容易見到你。無需花費廣告預算，你嘅業務將在Google搜尋或地圖上顯示，為您帶來更多曝光和流量。
利用客戶評論進行口碑營銷
研究指出有88%嘅消費者喺發掘本地新嘅店家時會查看評分。透過鼓勵滿意嘅客戶喺Google Business Profile留下評論，可以建立良好嘅口碑，吸引更多潛在客戶信賴你嘅業務。
提升本地搜索能見度，吸引更多客戶
當用戶喺Google搜索特定地理位置附近的產品或服務時，Google Business Profile將喺搜尋結果中顯示相關業務。咁樣可以令你嘅業務能夠在等定搜索中排名靠前，吸引更多附近嘅客戶光顧。
點樣開始使用Google Business Profile?
1. 建立商家簡介
要開始使用Google Business Profile，請訪問商家簡介官方網站。然後按「立即管理」並使用你嘅Google帳戶登入。如果沒有Google帳戶，請建立一個新嘅Google帳戶以繼續進行。
登入後你就可以開始設立你嘅商家檔案。你需要輸入您商家名稱及類別，需要與現實中嘅名稱相符。當中避免使用過多關鍵詞或具有誤導性嘅名稱。
跟住你就可以加入店鋪位置、服務範圍、營業時間、聯絡資料、簡介等業務資訊，呢啲資料除咗有助Google了解你嘅業務，更方便顧客聯絡你，同時展示你嘅業務可信性。如果你無提供實體店面嘅服務，請指定提供服務嘅地區範圍，否則可能無法設立「商家檔案」，只能設立「Merchant Center」。
2. 驗證商家
完成填寫所有資訊後，Google可能需要為你嘅業務進行驗證，以確保資料的準確性和合法性。Google有可能通過郵寄、電話或電子郵件進行驗證。如果Google需要你採用郵寄方式驗證，請按指示提供營業地址。Google會向你發送印有驗證碼嘅郵件，需時約1-2星期，收到後輸入驗證碼即可。
3. 管理商家簡介及客戶評論
如果唔需要驗證，或者驗證過後，你嘅「商家簡介」就會正式發佈。當係特定情況下，例如用戶係Google Map搜尋相關業務時，就會見到你嘅商家檔案。要好好利用商家簡介嘅曝光，就要完售你嘅「商家簡介」檔案，例如加入高質量嘅業務照片、上載最新資訊等。另外更重要嘅係推動客戶留下評論，有好嘅評分同留言，自然為你嘅業務增加可信性，吸引更多潛在客戶。
你可以係商家簡介官方網站，然後按「立即管理」去管理你嘅「商家簡介」檔案。或者可以喺登入咗管理「商家簡介」嘅Google帳戶後，搜尋你嘅業務名稱，就可以喺搜尋欄下見到相關「商家簡介」嘅管理工具。
Google 商家簡介/我的商家小貼士
當潛在客戶搜尋相關關鍵字時，你嘅「商家簡介」有機會喺Google搜索和Google地圖上出現，想有多啲人接觸到你嘅品牌？就要學下點樣優化你嘅「商家簡介」！
1. 驗證Google 商家簡介
完成申請並驗證（如果需要）之後，你嘅商家信息就會有機會出現喺Google上面，包括Google搜索及Google地圖。而最直接搵到你嘅「商家簡介」就係喺Google Map入面搜尋你嘅業務名稱。
2. 建立完整嘅商家信息
當中包括商家名稱、地址、營業時間、電話、商家種類、網站等。 呢啲信息應儘可能詳細和準確，以便Google更準確咁理解你嘅商家服務內容，從而提高潛在客戶喺地圖搜索到你嘅機會。
3. 優化Google商家文字內容
此外商家名稱、商家類別、商家簡介內容、營業時間等等、都會影響你嘅「商家簡介」喺地圖搜索時嘅排名。 喺呢啲內容當中亦可加入適量嘅關鍵字，使人更容易搜尋到你嘅「商家簡介」。
4. 重視評分與回覆評論
Google表示評論數和分數會影響本地搜索排名。 一般來說，評論越多且評分越高嘅商家，本地排名就會越前面。你可以邀請客戶再你嘅「商家簡介」評分及留言，而你亦可對佢哋嘅留言回覆。
5. 利用Google「商家簡介」嘅分析功能
透過分析客戶嘅搜索途徑，瞭解「商家簡介」嘅點擊數、瀏覽次數、來電數量、照片瀏覽次數等，你可以針對你嘅客戶需求，持續改善你嘅「商家簡介」檔案，滿足客戶需求。
6. 與Google Ads串接
最後，Google「商家簡介」可以與Google Ads整合，進行廣告投放，令你嘅「商家簡介」優先曝光喺搜索版面上。不過即使選擇落廣告，都建議你先完善「商家簡介」內容，及先儲定評分及留言，因為呢個年代嘅客戶通常都會Google你嘅商家名稱，查找更多關於你嘅資料後再幫襯。