TLDR; 如果需要寄存高效能/高流量WordPress/WooCommerce網站，可以考慮Cloudways服務，無需自行設置伺服器，亦可輕鬆在網上建立/管理高效能的WordPress網站。如成本有限，可以考慮使用具備新加坡伺服器的SpeedyPage的Shared Hosting服務。整網站其中一環就係網頁寄存，但原來網頁寄存服務都有好多種，根據網站嘅後台同流量需求亦會有唔同嘅考量。呢篇文主要會針對常用嘅擺放WordPress網站去講，因為相信好多人都仲用緊WordPress嚟做網站。而且選擇網頁寄存嘅時侯都會擔心個網會唔會好慢，特別係用WooCommerce做網店嘅時侯。我哋首先會講下網頁寄存類型，網頁種類，跟住會講下常見Shared Hosting嘅控制平台同埋點樣揀Shared Hosting。
網頁寄存比較
網頁寄存簡單嚟講其實就係租借一個網頁伺服器上嘅位置去存放你嘅網站，等互聯網上任何人都可以存取到你嘅網站。而網頁寄存亦有好多種，跟據你所獲得嘅伺服器資源由少至多可以分為以下類別：
- Shared Hosting
- Virtual Private Sever (VPS)
- Managed WordPress Hosting
- Dedicated Server
- Cloud Computing Service
Shared Hosting
Shared Hosting顧各思義係需要與其他人共享伺服器資源嘅網頁寄存。每個客戶所分配到嘅資源係較少，因為一般會設有資源限制規則，使一個伺服器上同時可以存放大量客戶網站。而Shared Hosting嘅好處就係平同埋較客易使用及管理，因為正常Shared Hosting都會提供控制平台比客戶使用，透過網上就可以設置域名、SSL、Database、一鍵安裝WordPress等等。然而Shared Hosting嘅功能會受限於控制平台所支援嘅功能，例如cPanel、DirectAdmin、及Plesk。
Virtual Private Sever (VPS)
VPS其實都係共享緊同一個伺服器嘅資源，但係理論上比起Shared Hosting會有更多嘅獨享資源，例如RAM，甚至CPU用量。配合虛擬嘅獨立環境，VPS就好似一個獨立嘅伺服器，軟件及功能上限制較少，可享用嘅資源較多及較靈活。當然價錢亦會較Shared Hosting貴，仲要自行設置VPS及相關網頁伺服器軟件去作寄存網站之用。
Managed WordPress Hosting
Managed WordPress Hosting其實就係服務供應商幫你處理哂安裝WordPress背後要做嘅嘢同埋網頁寄存嘅設定，一般Managed WordPress Hosting供應商都會有自家製嘅平台比客戶十分客易地安裝同管理WordPress網站。相比起一般Shared Hosting，Managed WordPress Hosting有更針對WordPress嘅服務，例如無需第三方插件嘅Staging及Backup系統，以及基本嘅WordPress技術支援。一般Managed WordPress Hosting都會提供到較高嘅效能同充足嘅伺服器資源，不過代價就係價錢較Shared Hosting同VPS貴。
Dedicated Server
Dedicated Server即係獨立主機/獨立伺服器，即係租用或購買一整部實體伺服器，效能會最高，但價錢一定會貴幾級，同埋需要設定及維護成本亦會比VPS高。不過一般而言小型至中型網站都不需要使用咁多嘅運算資源同頻寬。
Cloud Computing Service
然而一般公司網站或者中小企網站揀Shared Hosting/Managed WordPress Hosting即可，因為網站人流較少同網站功能較簡單。而當你嘅網站可能係流量高嘅WooCommerce/WordPress網站，就需要提升Shared Hosting/Managed WordPress Hosting計劃或者選擇自行租用VPS作網頁寄存。當網站同時瀏覽人數多嘅時侯，而網站亦有大量功能嘅時侯，就要考慮選擇Dedicated Server或者Cloud Computing Service，因為scalability比起Dedicated Server好。
點揀Web Hosting網頁寄存空間？
一般公司網站或者中小企網站揀Shared Hosting/Managed WordPress Hosting即可，因為網站人流較少同網站功能較簡單，而當你嘅網站可能係流量高嘅WooCommerce/WordPress網站，就需要提升Shared Hosting/Managed WordPress Hosting計劃或者選擇自行租用VPS作網頁寄存。當網站同時瀏覽人數多嘅時侯，而網站亦有大量功能嘅時侯，就要考慮選擇Dedicated Server或者Cloud Computing Service。
由於好多人都會用WordPress/WooCommerce DIY去整網站或者網店，所以之後將會集中講下點樣揀Shared Hosting同Managed WordPress Hosting。
揀適當嘅網頁寄存同服務供應商可以從以下簡單呢3點去考慮，分別係：
- 伺服器位置
- 網頁寄存管理面版
- 網頁寄存嘅功能及效能。
伺服器位置
無論揀邊種網頁寄存方式，伺服器位置同你嘅目標客群位置愈近愈好，例如你嘅目標客戶主要集中喺香港，網頁寄存用返喺香港有伺服器服務供能商就最好。但現實上香港網頁寄存嘅性價比同服務質素都未必比得上海外嘅供應商，例如新加坡嘅供應商。所以用位於新加坡嘅伺服器配合上CDN都係一個唔錯嘅選擇，特別係用上CDN後喺全球唔同地區瀏覽你嘅網站都可以快啲。
網頁寄存管理面版
一般嘅Shared Hosting都會採用cPanel或DirectAdmin作為控制面版。透過Shared Hosting控制面版你可以控制網頁存存嘅各項功能，例如新增網站、新增/修改FTP帳號、新增/修改Email帳號、新增/修改Database及修改SSL設定等。而一般Shared Hosting供應商提供嘅控制面版都會有一鍵安裝WordPress嘅功能，例如透過cPanel嘅WordPress Toolkit或Softaculous。不過每個供應商嘅提供嘅服務都有所不同，所以選用前要了解清楚。
網頁寄存嘅功能及效能
網頁寄存嘅基本功能最好包括免費SSL、一鍵安裝WordPress功能、什至免費備份服務。至於網站數量、流量、資料庫數量都因人而異，視網站需求決定。而效能上最基本都要選擇採用SSD/NVMe SSD嘅網頁寄存。另外亦要注意Shared Hosting嘅資源限制，對於無大量多媒體內容嘅靜態網站無太大影響，但對WordPress/WooCommerce等PHP/MYSQL網站就好重要，特別係一般人去用WordPress整網站時都會用上大量Plugins及使用Page Builder，呢個時侯WordPress運行所需嘅資源就會較多。
何謂資源限制Resource Limit?
一般Shared Hosting/Managed WordPress Hosting通常都會由一個Dedicated Server去同時寄存大量網站，為左保持服務水平同穩定性，寄存供應商都會為每個帳戶設立資源限制。最簡單要了解嘅資源限制會係RAM同I/O存取速度，兩者都係愈大愈好。以一個WordPress with Elementor網站為例，RAM建議最少要有512MB。如果RAM太少嘅話，喺WordPress後台操作時會慢同出現問題，特別係要用上WooCommerce作網店時。而I/O存取速度限制最好要有10MB/s或以上（因為而家連GoDaddy嘅寄存服務都有咁高嘅I/O存取速度限制）。如果I/O資源限制太低，喺WordPress後台操作時都會慢同埋瀏覽網站嘅速度都會受影響。
穩定性
同效能有關嘅仲有網站穩定性，可以利用Uptime（正常運行時間)去量度，Uptime可以用時間或者百份比表達。通常Web Hosting供能商都未必會提供Uptime記錄比你睇，但好多供應商都會有運行時間保證 99.9%。當然每間供應商嘅條款都會唔同，計算方法亦可能唔同。有啲供應商會有SLA（服務水準協議），當服務在線時間低過某水平就會提供補償。
總括而言，Web Hosting點揀好其實都要考慮唔少嘢，所以申請服務時要問清楚，睇清楚條款，如果心水供應商有試用或退款政策就最好，因為其實字面上服務論到幾好都好，實際用嘅時侯就會見真章！最後如果你有想Revamp網站或者整新網站，都可以搵我哋傾下，我哋會幫你解決揀網頁寄存嘅煩惱！