同客戶之間嘅溝通一直都做生意入需一個非常重要嘅環節，而隨著科技嘅不斷發展，越來越多嘅中小企開始尋找一啲更加便利、快捷嘅方式同客戶溝通。WhatsApp Business就係喺呢種情況下應運而生，佢可以幫助中小企更加方便地同客戶對話，提高客戶對中小企嘅好感同忠誠度。咁夠竟咩嘢係WhatsApp Business？今日就同大家分享一啲有關WhatsApp Business嘅基本資訊同實用功能，希望呢啲資訊可以幫到有需要嘅中小企東主！
咩係WhatsApp Business？
WhatsApp Business係一個專門為中小企而設計嘅應用程式，可以幫助中小企與客戶更加方便地溝通。與普通嘅WhatsApp相比，WhatsApp Business多咗一啲針對中小企而設計嘅功能，例如自動回覆、快速回覆、標籤對話等等。透過以上嘅功能，中小企可以更方便快捷地直接向客戶發送訊息，包括產品推廣、訂單跟進、客戶服務等等。
另外WhatsApp Business嘅帳號可以讓中小企喺Profile中加入業務資料，例如營業時間、業務類型、網站、產品目錄等資訊。除咗可以建立專業形象，亦可方便客戶了解你嘅業務。
WhatsApp Business VS WhatsApp Business API
WhatsApp Business有分兩種，分別係「WhatsApp Business App」同「WhatsApp Business Platform/API」。WhatsApp Business App主要係針對中小企東主而設計，佢可以喺普通嘅手機上安裝同使用，唔需要太多嘅技術支援。WhatsApp Business Platform則係一個更加專業嘅版本，需要中小企同WhatsApp官方進行合作，並且需要一定嘅技術支援才可以使用，或者要透過第三方服務供應商提供服務。
相比之下，WhatsApp Business App可以說係比較簡單易用，中小企可以直接喺電話上安裝同使用，直接同客戶進行溝通。但係佢嘅功能相對比較有限，例如只能夠同客戶進行一對一嘅溝通、無法進行群發訊息、建立Chatbot等等。
WhatsApp Business Platform則可以提供更加豐富嘅功能，例如可以進行群發訊息、指派同事與客戶進行對話、準確追蹤轉換率等等。但係使用WhatsApp Business Platform需要一定嘅技術，所以對於小型企業同商戶而言可能唔太適合。如果想要簡易用到呢啲服務，可以考慮使用建基於WhatsApp Business Platform之上嘅SaaS聊天應用服務，例如ManyChat、SleekFlow、Landbot等。
WhatsApp Business App安裝
如果中小企想要使用WhatsApp Business App，首先需要喺手機上安裝呢個APP，可以喺App Store或Google Play Store搜尋「WhatsApp Business」，然後進行下載同安裝。
安裝完WhatsApp Business App之後，同普通WhatsApp一樣，需要登記電話號碼。要注意嘅係如果同一個電話號碼只可以注冊一個WhatsApp賬號，即係同一個電話號碼唔可以同時用普通版WhatsApp同WhatsApp Business App。
登記電話號碼後，企業可以加入自己嘅資訊，包括企業名稱、地址、網址、營業時間等等。首次設定過後亦可透過「設定」-> 「商業工具」 ->「商家資料」入面更改。
WhatsApp Business實用功能
1. 自動回覆訊息
WhatsApp Business App可以設定自動回覆訊息，例如喺非工作時間或者暫停營業嘅時候，可以自動回覆客戶嘅訊息，通知客戶相關嘅資訊。你可以透過「設定」-> 「商業工具」 ->「問侯訊息」/ 「離線自動回覆訊息」入面進行設定。你可以設定一啲自動回覆嘅訊息，例如當客戶第一次向你發送訊息時，可以自動回覆一個歡迎訊息。呢個功能唔單止可以方便客戶，都可以提高客戶對你企業嘅好感！
2. 快速回覆訊息
WhatsApp Business App可以建立快速回覆訊息，例如設定一啲常用嘅回覆內容，方便你同客戶溝通。你可可以透過「設定」-> 「商業工具」 ->「快速回覆」入面進行建立快速回覆訊息。
如果客戶向你發送一啲常見嘅問題，例如「你哋嘅產品有冇唔同嘅顏色？」等等，你可以事先設定好一啲快速回覆嘅模板，咁就唔洗每次重覆打同一樣訊息啦，大大提高工作效率！
3. 標籤對話
WhatsApp Business App可以使用標籤分類客戶訊息，方便進行管理同跟進。你可以透過長撳你想標籤嘅對話，然後係上面撳標籤Icon，就可以建立新標籤或者直接標籤對話。例如將未發貨嘅客戶對話進行標籤，方便跟進出貨。
總括而言，WhatsApp Business係一個非常實用嘅應用程式，可以幫助中小企東主同客戶更加方便地溝通，提高客戶對企業嘅好感。如果你係一個中小企東主，又想提高自己嘅工作效率同客戶滿意度，咁就一定要試下使用WhatsApp Business啦！
WhatsApp官方詳細教學：https://www.whatsapp.com/coronavirus/get-started-business/?lang=zh_hk