喺呢個年代用WhatApp幫客人落單同解答客戶問題係好常見嘅事，但係要客人用WhatsApp主動搵你通常都要客人save低你contact先可以開啓WhatsApp對話，咁樣會減低咗客戶主動搵你嘅機會。除咗使用tawk.to呢一類免費Live Chat軟件外，使用WhatsApp Link就可以令客戶一Click就同你展開新WhatsApp對話！
咩係WhatsApp Link?
WhatsApp Link其實係WhatsApp Click to Chat Link，中文官方名稱係WhatsApp點擊對話功能。只要你有WhatsApp賬戶並建立咗一條WhatsApp Link，其他WhatsApp使用者就可以透過直接click個一條link就同你展開WhatsApp對話，而唔需要先將你加入聯絡人。
不加聯絡人WhatsApp
想唔加人Contact就WhatsApp人哋？都可以用WhatsApp Link呢個方法做。不過另外我哋特別整咗一個小工具等你更加方便去直接WhatsApp人哋嘅電話號碼。不過注意你要有WhatsApp Desktop喺電腦 / WhatsApp喺電話先用到呢個小工具。
點整WhatsApp Link?
整WhatsApp Link其實係好簡單，唔需要額外登記或收費，WhatsApp Link 組成係咁：
https://wa.me/[國際格式區號WhatsApp電話號碼]以一個香港虛構電話為例，852係區號，12345678係WhatsApp電話號碼
WhatsApp Link就會係
https://wa.me/85212345678點樣加入預先填妥嘅訊息
如果你想令客人更容易同係你開展對話，你更可以喺WhatsApp Link度加入預先填妥嘅訊息，當客人撳入去時WhatsApp就會預先填妥嘅訊息自動填入文字輸入框，令你嘅客人更容易同你開展對話或查詢，以呢款WhatsApp Link嘅格式係咁：
https://wa.me/[國際格式區號WhatsApp電話號碼]?text=[預先填妥嘅訊息]以上面個電話號碼虛構電話為例，預先填妥嘅訊息為「我想查詢網頁設計價錢」，WhatsApp Link就會係
https://wa.me/85212345678?text=TEST免費WhatsApp Link 生成器連QR Code
其實自己整WhatsApp Link真係好簡單，但有時如果需要有空格同多過一行嘅預先填妥嘅訊息，自已人手整WhatsApp Link就會有啲困難，因為你要人手加入+取代空格字元，係新一行之前加入％0A示意之後文字為另一行。加上有時copy and paste 咁去整WhatsApp Link會唔方便，又有機會整錯。
所以可以直接用以下嘅WhatsApp Link生成器
所以有咗呢個WhatsApp Link生成器之後，大家就再無借口唔用WhatsApp Link去等你嘅客戶更容易去聯絡你哋啦。
