5月限定優惠 — 新成立公司網站$5000起

2022年免費網頁製作指南 — 有咩方法整網頁?有咩隱藏成本?

近年用各種No-code嘅網頁製作平台任何人都可以整網站,甚至可以以「零成本」整網頁。本文介紹免費整網頁方法同相關嘅免費網頁製作平台及常見問題

Table of Contents

想知道更多關於網上推廣嘅實用資訊?

立即加入我哋嘅電郵名單,我哋會將不定期發佈嘅實用資訊發送到你嘅電郵!

係呢個年代整網頁有好多種方法,用各種No-code嘅網頁製作平台都可以唔需要有網頁設計、寫網頁(coding)同網站架設嘅知識,透過一些免費嘅模版同網頁製作平台本身嘅教學,任何人都可以整到一個網站,甚至可以以「零成本」免費整網頁。不過係介紹各種免費嘅網頁製作平台之前,要同大家講下傳統架設一個網站最基本要有嘅嘢,等大家喺選擇不同嘅網頁製作平台,又或者考慮比錢搵人寫網頁定自己整嘅時侯都比較到。

整網頁基礎知識

簡單咁講整一個最基本嘅網站喺須要有一個域名、網頁寄存空間、同埋網頁本身。

域名

域名(domain name)即係平時講嘅網址嘅第一個部份,e.g. https://paddn.com/web-design-hong-kong 嘅域名就係paddn.com。域名係代表你嘅網站嘅一個重要元素,因為域名嘅長短同名稱嘅選用都會影響人哋對你嘅網站嘅印象。而一般域名(如.com , .hk, .com.hk)都係需要每年收費。如果要完全免費,可以使用某些網頁設計平台嘅免費副域名(sub-domain),如Wix嘅accountname.wixsite.com。但係我哋都係強烈建議,因為除影響咗品牌形象外,當你租用咗一個域名之後,你仲可以用嚟整一個自訂電郵,即係[email protected]

網頁寄存空間

網頁寄存空間(web hosting)即係一個比你放置你嘅網站(通常係一堆網頁檔案或程式)嘅地方。呢個地方其實就係喺網頁伺服器入面,同域名一樣通常都係需要按年或按月租用。一般常見嘅網頁寄存服務都會連埋自訂電郵服務,不過如果預算許可嘅話最好都係另外付費使用Google Workspace嘅自訂電郵服務,以確保郵件收發順利同享受Gmail服務嘅優勢。

網頁

簡單咁講網頁即係承載著網頁內容嘅HTML檔案,當你嘅網頁瀏覽器透過域名搵到存放你網站嘅網頁寄存空間嘅位置,再從網址其他部份搵出相應嘅網頁檔案,就可以將網頁呈現出嚟。

免費網頁製作平台及方案

以上係好顯淺對於整網頁嘅講解,如果你想透過網頁製作平台自己整網頁嘅話,其實好多網頁製作平台都已經可以一站式係平台本身包含哂上面嘅嘢。只要一步一步按著官方或YouTube上嘅教學,再配合現成嘅模版,換上自己嘅內容就可以整到一個網站。

以下係一啲出名同多人用嘅網頁製作平台或整網站嘅方案:

有免費服務嘅網頁製作平台

Webflow

免費服務限制

  • 只能使用yourcomany.webflow.io域名

呢個就喺我哋透過Webflow免費plan製作嘅參考網站:https://thepadding.webflow.io/

Wix

免費服務限制

  • 只能使用accountname.wixsite.com域名
  • 不支援Google Analytics
  • 網頁會顯示Wix廣告

Weebly

免費服務限制

  • 只能使用yournamehere.weebly.com域名

WordPress @ wordpress.com (WordPress + Theme)

免費服務限制

  • 只能使用yourcompany.wordpress.com域名
  • 不能安裝WordPress插件(Plugins)

只有收費服務嘅網頁製作平台

Squarespace

Elementor Cloud ( WordPress + Elementor Pro )

關於整網站嘅常見問題

1. 點解呢個年代做生意仲要有一個網站?

係社交媒體主導嘅年代,有一個代表你公司形象嘅網站反而變成一件必需嘅事。無論B2B定係B2C嘅生意,當你嘅潛在客戶想了解多啲你公司嘅背景、業務嘅內容,大部份嘅客人都會想搵你嘅網站睇下,先再決定可唔可信。

2. 點樣可以用最低成本整一個靚嘅網站?

喺網頁製作平台內選擇嘅免費或收費模板,再加上適當嘅內容係最簡單嘅方法,當然要搵到100%合適嘅模板係無乜可能,但想要最低成本整個靚網站就最好從模板開始。開始最好先從簡約設計嘅模板入手,加入自已嘅文字及圖片後睇下個風格如何,再一步一步加入其他元素及頁面。

3. 點樣可以知道我個網站有冇人上?

可以利用Google Analytics,如果使用網頁設計平台通常都會有簡易嘅整合方法,或者某些平台本身內置流量統計功能,詳細要睇返相關平台嘅網站。

4. 點樣可以令多啲人上我個網站?

呢個係一個複雜嘅問題,因為要了解你嘅業務同網站性質去計劃,所以有興趣可以搵我哋傾下。但簡單咁講,短期內除咗人手分享轉載網站比親朋戚友外,可以考慮落廣告。中長期就要考慮埋搜尋器排名同社交媒體策略等吸引流量嘅方法。

5. 比錢人整網站同自已整有咩分別?

除咗使用網頁設計平台嘅免費服務計劃有限制外,自己整網頁嘅時間其實都係成本之一,利用自己整網頁嘅時間去做最有效拓展自身業務嘅事更為實際。

要整一個代表到你公司品牌同埋吸引到潛在客戶嘅網頁,當中其實包含眾多嘅步驟同知識。由網站規劃、網站內容、網頁設計、網站功能、網頁速度優化、搜尋器廣告及排名最佳化到後續嘅不斷優化網站嘅帶來客戶嘅效能,都有唔同嘅學問。

6.網頁製作平台喺咩?

網頁製作平台喺一個線上嘅服務,提供一站式網站架設及網頁設計功能,並且附有所見即所得(WYSIWYG)嘅網頁製作功能,可以喺唔需要使用任何程式碼下製作網頁。對於DIY用家而言喺一個自行整網站嘅最佳方法;而對於網站設計公司而言,可以節省網站架設時間,專注網頁設計本身。

最後如果想了解更多關於中小企整網頁嘅實用資訊,可以睇下我哋喺HSBC VisionGo發佈嘅一篇關於整網站前要考慮嘅問題嘅文章,同埋呢篇關於整網頁幾錢嘅文章。

THE PADDING喺一間香港網頁設計公司,專注於為創業者及中小企提供包括網頁設計網店設計搜尋器排名最佳化(SEO)網上推廣服務。

Let's talk about your next project

對於我哋嘅網頁設計
同網上推廣資訊感興趣?

立即加入THE PADDING嘅電郵名單,我哋會將不定期發佈嘅實用資訊同最新文章發送到你嘅電郵

所收集資料只用作發送電郵之用並且可隨時取消訂閱