簡介
講關於網頁網站嘅Digital Marketing或者網上推廣方法時，都一定會經常聽到SEM、SEO、PPC呢三個詞彙。三者都關搜尋引擊嘅事，亦都係喺搜尋引擊(如Google)宣傳你嘅網站嘅重要途徑或方法。呢篇文章會為大家講解咩嘢係SEM、SEO及PPC、SEO同SEM分別、應選擇SEO定SEM、如何判斷SEO同SEM嘅成效，最後亦會介紹一啲免費嘅SEO/SEM工具同學習途徑。
咩嘢係PPC？
講到搜尋器廣告就一定會講到PPC（Pay Per Click），中文稱為「每次點擊付費」。PPC係一種廣告收費模式，特別用係搜尋器廣告上，顧名思義每次廣告被點撃時先會收費。就即係比錢搜尋引擎（如 Google），將你嘅網頁顯示喺搜尋結果頁面（SERP）當眼嘅位置，例如搜尋結果首頁嘅頁首。
咩嘢係SEO？
如果PPC係一個收費嘅模式將你嘅網頁顯示喺搜尋結果頁面嘅當眼位置上，SEO可以說係「免費」嘅方法提高你嘅網站喺搜尋引擎嘅位置。
SEO全寫係Search Engine Optimisation（中文譯作搜尋引擎最佳化/優化)，定義為「透過了解搜尋引擎的運作規則來調整網站，以及提高目的網站在有關搜尋引擎內排名的方式」— Wikipedia 搜尋引擎最佳化
搜尋引擎內排名點解咁重要？因為好多時侯搜尋結果頁面第一頁之後嘅結果都無人會去睇。假設你營運緊一間賣家具嘅網店，如果你嘅網站喺你嘅潛在客戶搜尋「網上傢俬」嘅時侯唔係排喺第一頁嘅時侯，咁你嘅網店曝光率（Impression）同點撃率（CTR）都會少，換向話說你嘅網店會無乜自然流量（Organic traffic），喺無廣告或宣傳下就會嘅情況就會無人上。
然而有時人哋嘅服務會講話幫你嘅網站排係首頁或者第一位，呢個時候就要了解清楚夠竟淨係幫你落廣告獲取paid traffic定係有做SEO獲取organic traffic啦。
咩嘢係SEM？
了解左咩係SEO同PPC之後，就可以更全面了解咩係SEM啦。SEM全寫為Search Engine Marketing（而SEM中文譯作搜尋引擎行銷/推廣） 唔同人對SEM嘅定義都有分歧，主要可分為有兩種：
1. 「是一種以透過增加搜尋引擎結果頁（Search Engine Result Pages，SERP）能見度的方式，或是透過搜尋引擎的內容聯播網來推銷網站的網絡行銷模式。」 — Wikipedia 搜尋引擎行銷
2. 「SEM係指透過搜尋引擎投放廣告來推銷網站的行銷模式」 — Google Digital Garage
如果以第一種嘅定義，SEO同比錢係搜尋器落廣告都會係做緊SEM。而係Google眼中SEM其實就等同於搜尋器點擊付費廣告（PPC）。即係簡單嚟講，廣義嘅SEM係包含SEO同PPC；而狹義或者通常大家講SEM都會係指PPC。
為咗方便探討，本文之後提及嘅SEM都會係指透過搜尋器點擊付費廣告(PPC)的行銷模式。
SEO vs SEM 分別
你嘅網站會顯示喺
SEO：搜尋器結果頁面中間
SEM：搜尋器結果頁面頁首或頁尾
你所需嘅成本取決於
SEO：實際SEO嘅工作內容，例如優化網頁結構、尋找業務相關嘅關鍵字（Keyword Research）、優化或編寫相關網頁內容及獲取外部鏈結（Backlink）等
SEM：目標關鍵字嘅CPC（每次點撃成本）、廣告嘅CTR（點擊率）及廣告嘅Impression（曝光率）
幾時先見到有流量喺取決於
SEO：搜尋器重新評估排名及更新排名嘅時間
SEM：搜尋量、廣告競爭及預算
如何判斷SEO/SEM成效？
SEO：目標關鍵字排名、頁面關鍵字數目、CTR（點撃率）、Conversion Rate（轉換率）等
SEM：主要透過優化CPC（每次點撃成本）、CTR（點撃率）、Conversion Rate（轉換率），計算到CAC（Customer acquisition cost 客戶獲取成本），再計算ROAS（Return On Ad Spend）或ROI（Return On Investment），以評估廣告嘅成效及帶來嘅回報。
如何選擇SEO vs SEM?
選擇SEO嘅原因
- 建立長遠流量來源
- 排名高嘅網站會在增加潛在客戶嘅信心
- Ad Block （廣告攔截）嘅普及
選擇SEM嘅原因
- 需要即時獲取更多流量（如活動推廣）
- 目標關鍵字會即時帶來購買或服務查詢
- 即時增加曝光率
不過重要嘅係兩者其實係可以相輔相成，配合適當嘅內容行銷策略，就可以將你嘅網站變成吸客工具！最後如果你想了解更多關於SEO/SEM點樣幫到你嘅生意，歡迎了解一下我哋嘅SEO服務或者直接搵我哋傾下！
免費SEO / SEM工具
Google Search Console — 了解你嘅網站喺Google Search嘅排名、表現及那些關鍵字為你帶來流量
Google Analytics — 了解你嘅網站流量來源、流量數據統計及目標轉換率等重要網站數據
Google Keyword Planner — 計劃廣告預算、預期成效及目標關鍵字競爭情況
Ahrefs — 當中免費服務可以查看網站嘅外部鍵結資料及關鍵字排名等資料
Semrush — 同上，不過Semrush嘅免費服務可以查看嘅資料更多
Mangools SERP Simulator — 用作擬定Title 及 Description HTML Meta Tag、即網頁在Google搜尋結果上嘅標顯及簡介