2022年網店平台比較 — Boutir/ Shopify/ Shopline/ WooCommerce

香港常見網店平台有Boutir、Shopify、Shopline、WooCommerce,喺開店成本、網店設計、付款系統及容易使用程度上各有千秋。立即了解開網店邊間好!

目錄

開網店邊間好?

  • 成本最低:WooCommerce
  • 成本低及簡易開店:Boutir
  • 國際化網店:Shopify / WooCommerce
  • 本地付款及物流原生支援:Shopline / Boutir
  • 簡易開店及使用:Boutir / Shopline
  • 獨特網店風格:Shopify / WooCommerce
  • 可擴展性:WooCommerce / Shopify

常見網店平台簡介

掌舖Boutir

掌舖Boutir 2015年喺香港成立,定位為「結合社交手機商貿解決方案及多渠道商貿的平台」,主打用一部電話就可以開網店同管理你嘅網店業務。網店系統整合本地收款平台、物流服務供應商、自助廣告功能,一個系統就可以簡易營運同推廣你嘅網店。

Shopify

Shopify 2004年喺加拿大創立,平台本身係為創辦人嘅滑雪板店開發,因為當年缺乏一套滿足佢哋需求嘅網店方案。至今Shopify已為全球各式各樣嘅網店提供服務,更有整合實體店POS嘅功能,一站式管理及整合各買賣渠道。Shopify網店能透過現成嘅插件擴展功能或自行開發有功能,以及可透過佈景主題或彈性嘅訂製功能全面設計你嘅網店。

Shopline

Shopline 2013年喺香港成立,發展至今客戶已遍佈東南亞,為大大小小嘅網店提供服務。Shopline網店平台能整合實體門市POS功能,亦有良好嘅本地支付方式及物流整合,加上能對網店設計有一定程度嘅更改(CSS 編輯功能)。

WooCommerce

WooCommerce 係一個喺2011發佈嘅免費同開源嘅WordPress插件,可以令WordPress呢個CMS擴展成一個網店。由於WordPress嘅普及同可擴展性,利用免費嘅WordPress + WooCommerce嘅開網店方式亦變得普及。雖然WooCommerce本身只有基本嘅網店功能,但可以透過不同嘅WordPress插件,又或者自行開嘅發新功能,使WooCommerce可以完全根據需求進行訂製。

其他網店平台

除咗以上呢4個香港最常見嘅網店平台,其實仲有其他網店系統:

  • Squarespace
  • Wix
  • BigCommerce
  • Magento
  • PrestaShop
  • OpenCart

但喺係香港嚟講,除咗Squarespace、Webflow同Wix呢三個本身喺一個整網頁平台之外,其餘平台一般比較少見同無及普及。喺香港好多各個規模嘅品牌大多都採用Shopify、Shopline、WooCommerce或者自行開發嘅網店系統,所以呢篇文章就暫不討論以上網店平台。

網台平台比較

首先要提及嘅係Boutir、Shopify、Shopline、WooCommerce呢4大網店平台中,WooCommerce係需要自行架設網站同安裝,而Boutir、Shopify、Shopline只需要喺平台上開一個帳號就可以開始設置使用。關於各個網店系統喺成本、收款方式、網店設計、網店功能、擴展性、服務支援等方面嘅分別,將會喺下面進行比較:

網店平台開店成本及收費

假設採用自訂網域(.com/.hk)、只需要基本網店功能 —

開網店成本(由低至高):WooCommerce <= Boutir < Shopify < Shopline

Boutir收費

  • 入門計劃 – 每月HK$99
  • 商務計劃 – 每月HK$279
  • 商務PLUS – 每月HK$437

Boutir嘅收費特色喺所有計劃都係無限制商品數量同附送首年.store域名,入門計劃低至每月$99HKD就可以開網店。

Shopify收費

  • *Lite – 每月US$9(沒有網店店面,只有網店後台及購買按鈕功能,適合簡單哋整合網店功能到現有網店)
  • Basic – 每月$US29 (HK$226.2)
  • Shopify – 每月US$79 (HK$616.2)
  • Advanced – 每月US$299 (HK$2322.2)

Shopify嘅收費特色喺所有計劃都支援國際化嘅網店功能,包括網域自動導向、語言翻譯、貨幣轉換(Shopify Payments)及顯示當地付款方式(Shopify Payments)。而關稅和進口稅及自訂各市場定價功能則只在Advanced計劃中提供。

Shopline收費

  • 「新手起步」方案 – $229HKD
  • 基本開店 – $6988/年 (~$582.3/月)
  • 進階電商 – $13,799/年 (~$1149.9/月)
  • 全方位新零售 – $21,999/年 (~$1833.25/月)

Shopline嘅收費特色係有額外每月系統流量維護費 0.5% GMV(總交易訂單金額),所有計劃都有多國幣值顯示功能及Facebook/Instagram整合。

WooCommerce收費

WooCommerce本身同WordPress一樣喺免費嘅軟件,不過你會需要域名同網頁寄存空間去建立一個基本嘅WooCommerce網店。以較平便宜嘅香港本地網頁寄存商建立WooCommerce網店,網頁寄存收費每年HK$550,除開每月只需約HK$45.8就可以開店。

付款方式支援

國際及其他地區付款方式支援:Shopify => WooCommerce > Shopline >= Boutir

本地付款方式支援:Boutir > Shopline > Shopify => WooCommerce

一般而言4個網店平台都支援Visa、Mastercard及American Express嘅信用卡比錢。Shopify同WooCommerce支援到嘅付款方式最為多,因為佢哋支援第三方插件及有豐富嘅擴展插件庫。然而對於本地付款方式如PayMe,Shopline及Boutir本身已支援Payme收款,無需第三方插件或收款服務供應商,所以對於本地付款方式支援而言,Shopline及Boutir可以話係支援得較好,而Boutir內置支援Tap&Go同八達通。

網店頁面設計

網店頁面設計自由度:WooCommerce >= Shopify > Shopline >Boutir

Shopify同WooCommerce都可以完全控制網店嘅頁面設計,由於WooCommerce係開源同自行架置,所以可以比Shopify嘅頁面修改自由度更多一點,例如Shopify網店需要使用Shopify Plus計劃先可以全面修改Checkout Page。而Boutir同Shopline嘅頁面設計都只限使用本身嘅網店設計模板,不過Shopline各計劃都開放CSS編輯功能,而在無定價嘅企業旗艦方案計劃更開放編輯功能;相比起Boutir只有在商務PLUS計劃才支援修改部分頁面(如導覽列及頁尾)。

網店功能

Boutir及Shopline本身整合額外嘅網店功能,如會員系統及Facebook整合,不過部分功能需要主階計劃才能使用。Shopify及WooCommerce本身擁有嘅功能足以運作一個網店,但決乏部分Boutir及Shopline內置嘅功能,變相可能要額外安裝插件或自行開發相關功能。

網店擴展

需然Boutir同Shopline都有額外嘅網店功能,但並不支援第三方插件,所有額外功能嘅擴展性或訂製程度都受限制。而Shopify及WooCommerce都支援第三方插件,可自行安裝或開發滿足店家需求嘅功能。

而Shopify同Shopline都有計劃原生支援POS功能,如果需要從實體店專型或擴展到實體店,呢兩個都會喺一個好嘅選擇。

網店服務支援

服務支援:Shopline > Boutir > Shopify > WooCommerce

Shopline同Boutir都係香港本地公司,在辦工時間都有Live Chat即時通訊客服,網店有問題都可以好方便咁聯絡佢哋。而Shopify支援24/7嘅電郵查詢,需要先填寫服務支援表單。而WooCommerce基本上喺無官方嘅開店支援,除非關於軟件本身嘅bug fixing或security issue,主要依賴論壇及第三方Programmer建決問題。

總結

各個網店平台都有啲佢哋嘅特色同優勢,所以做選擇時都要因應業務需求及成本管理去選擇合適嘅網店平台。不過喺出面搵人做網店設計,通常佢哋都會用採用Shopify,因為需要較少後續維護及高擴展性。所以搵人整網店時都可以同服務供應商傾下你嘅業務需求,睇下會唔會另一個更合適嘅網店平台。

Facebook
Twitter
LinkedIn
WhatsApp
Email

訂閱實用網上推廣資訊

資料只用作發送電郵並可隨時取消訂閱

我哋嘅服務

透過網頁設計及內容行銷策略幫你打造一個帶來生意嘅網站

目錄

想喺網上推廣你嘅生意?

想了解更多網上推廣資訊?

立即加入THE PADDING嘅電郵名單,我哋會將不定期發佈嘅實用資訊同最新文章發送到你嘅電郵

所收集資料只用作發送電郵之用並且可隨時取消訂閱