整網頁都可以話係豐儉由人，甚至自己免費整網頁都係一個選擇。但係開始整網站之前都應該要做好計劃，例如思考下設立網頁嘅啲目的係咩，希望增加客戶查詢或者增加品牌曝光率？提供公司資訊？定係提供網購服務？好嘅網頁設計會配合你嘅業務目的，幫你嘅業務更進一步。而網站設計及功能上亦會因應業務雖要而有所不同，價錢亦會有所增減。
所以我哋會係呢度同大家分享一下通常網頁設計報價會係包含啲咩同有咩因素會影響到個價錢。首先大家可以睇下我哋公司嘅參考報價，等大家再睇落去嘅時候會對整網頁幾錢有個概念。
我哋嘅網頁設計價錢
如果你唔想睇咁多字，淨係想知整一個嘅網站大約幾多錢？我哋嘅收費通常由HK$20,000起，並向中小企東主客戶「100%滿意否則原銀奉還」保證。歡迎用以下服務價錢計算機了解我哋嘅服務大約係咩價錢。
如果你嘅目標係想整一個幫到你生意嘅網站，而唔係求其拎個報價貨比三家或者比老闆交差。歡迎直接聯絡我哋傾下，因為我哋會先了解你嘅業務需要，再度身提供一個網頁設計方案同報價比你，配合適當嘅行銷策略同網站規劃，務求打做到一個幫到你生意嘅網站，成為你嘅商業夥伴！
市面網頁設計價錢參考
- 模板網站 — HK$3,000 – HK$30,000
- 客製化模板網站 — HK$6,000 – HK$60,000
- 普通訂製網站 — HK$10,000 – HK$150,000
- 視覺動畫為主訂製網站 — HK$80,000+
- 配合品牌風格訂製網站 — HK$100,000+
以上嘅參考價錢喺我哋搜集市面上唔同公司或者Freelancer嘅公開資料整合出嚟，以用於網頁設計嘅「程度」作分類，由下以上需要人力物力去做網頁設計嘅程度會愈來愈多。另外網頁設計公司都會有佢哋自己用開嘅架站方式同CMS後台，所以獲取報價前都要了解一下。
而網頁設計價錢中包含嘅服務唔同價錢、唔同服務供應者都會有所唔同。一般網頁設計或者整網站價錢較低嘅報價（特別係套餐式報價）只會包括將你提供嘅內容同所需頁面製成網頁，未必會著重網站內容規劃同埋設計上如何配個你嘅生意業務。所以查詢時要了解清楚服務內容同要思考一下你嘅網站要點樣先幫到你嘅生意。
網頁設計相關服務
整一個網站其實當中喺包括唔同範疇嘅工作，不過一般一好多時都會將網頁設計等同於設計＋開發，以下簡單列出一啲同整網站相關嘅服務：
- 推廣策略 Marketing strategy
- 網頁設計 Web design (UI/UX design)
- 網頁開發 Web development (寫程式/現成CMS/網頁設計平台)
- 文案創作 Copywritting
- 平面設計 Graphic design
- 網站維護 Website maintenance
- 搜尋引擎最佳化 SEO
如果你需要到嘅服務愈少，網頁設計報價相對上應該會較平，而索取報價時最好事先溝通好，以免開始工作後先發現原來呢樣唔包、嗰樣又唔包。
網站架設方案比較
架設網站方式不同會影響整網頁嘅價錢，而不同建站方法背後亦會用到唔同嘅技術，呢度就簡單比較下最常見嘅3種整網站方式同價錢。
| 建站方法 | Wix / Squarespace / Webflow (網頁製作平台) |
WordPress / Elementor (WordPress) |
Django / Next.js / … (高度訂製網站) |
|---|---|---|---|
| 收費模式 | 訂閱模式收費(每月/每年收費) | 網頁設計: 一次性 網頁寄存: 訂閱模式收費 |
網頁設計: 一次性 網頁寄存: 訂閱模式收費 |
| 自行修改現有網頁內容 | 容易 | 容易/一般 | 取決於服務提供者 |
| 自行安裝新功能 | 有限制 | 容易但不建議 | 通常不可以 |
| 後台容易使用程度 | 容易 | 容易/一般 | 取決於服務提供者 |
| Freelancer數量 | 少 | 多 | 多 |
| 主要所需技術 | 網頁設計(介面設計) | 網頁設計、WordPress開發 | 網頁設計、網頁開發 |
| 開發時間 | 短 | 短/中 | 中/長 |
| 成本 | $ – $$ | $$ – $$$ | $$$+ |
網頁設計報價內容
我哋呢度講嘅網頁設計通常會係指網頁設計(website / layout / UI design)連同網頁開發(web development)，即係交付嘅成品會係一個運作到嘅網站。然而有啲design agency / designer只會提供網頁設計(website / layout / UI design)，即係成品會係網頁設計介面嘅圖片，需要客戶自行額外搵developer進行網頁開發先會整到個網站出嚟。所以大家查詢報價嘅時候最好都係要問清楚，特別喺當對方無提及任何網站後台嘅時侯。
而喺香港嚟講，網頁設計嘅報價都常會圍繞著以下嘅內容:
- 域名 / 寄存空間 / 公司電郵
- 網頁內容及功能
- 網站架設方法
- 網頁設計
- 後續維護 / 內容更新
域名 / 寄存空間 / 公司電郵
域名同網頁寄存空間係整網站必需嘅元素，有啲公司會包埋域名註冊費用同埋首年嘅寄存費用。但要注意域名最好係由自已註冊返，因為域名嘅擁有權喺係註冊者手中，而一年域名註冊費用其實好平，約$8.99USD(.com/.net/.org)及$99/$250HKD(.hk)。
而寄存服務就比較複雜，要取決於網站嘅開發技術、後台、及網站流量等因素選擇。通常網頁設計服務提供者都會介紹網頁寄存供應商比你，或者提供埋寄存服務比你。一般網站而言，寄存服務唔會太影響報價。
至於公司域名電郵通常會包含於寄存服務，但一般建議使用Google Workspace，以確保電郵收發。
網頁內容及功能
網頁內容喺指網頁入面嘅文字、圖片、插畫、及影片等內容，一般嚟講所有內容都需要由客戶提供，不過通常網頁設計服務提供者都會幫客戶進行一定嘅圖片 / 插圖 / 影片搜集，但相關嘅license fee就要客戶額外支付。
而同網頁內容息息相關嘅就係網頁設計元素及網站功能，兩者都會影響報價。網頁設計元素喺指sliders, pop-up box, tooltips, animation, video player, flip box 等等，通常常見嘅網頁設計元素都會包含喺報價入面，但例如網頁動畫呢啲較複雜嘅元素就需要額外價錢。所以報價問一問有啲咩係包，有啲咩係唔包，最好提供埋相關網頁作參考，咁就萬無一失啦。
網站功能嘅例子有store locator, portfolio, contact form, live chat等等，同上有啲功能例如預約系統及會員系統或會需要額外價錢，都係要咨詢時問清楚。
網站架設方法
有一個網站後台係會方便你自己去管理一個網站，例如作內容更新。而一般嚟講整一個公司網站有後台同無後台嘅價錢唔會差太遠，等別係當適合做用WordPress作CMS嘅時侯。但當要制作一啲比較訂制化嘅網站或者雖要特別功能嘅網站(例如Web App)嘅事候，如果要有一個簡單易用嘅後台就通常雖要額外價錢去開發。
網頁設計
通常唔係局限於一項設計方法，而係好似一個三角形裡面嘅一點，如果傾向Template的話，價錢會比較平，傾向全部由designer去設計的話，價錢會較貴。
- Template模板 – copy & paste 你內容落去template入面 – 價錢低
- 基於Template模板客制化 – 根據客戶需要修改網頁版面以符合客戶品牌形象 – 價錢中
- UI designer 及graphic designer設計 – 獨特品牌風格 – 價錢高
維護 / 內容更新
Project直式完結及網站正式運作嘅一段時間後，維護及內容更新都要另外收費，通常會以每個月支付成本費用+實際工作時數去收費。不過亦有網頁設計服務提供者會喺報價上包含免費嘅維護服務，但有關嘅詳細嘅服務就一定要先了解清楚。
總結
網頁設計嘅價錢可以由好平去到好貴都有，最主要都喺視乎你搵freelancer定喺agency去做、需要咩網頁設計及功能、以及網站是否需要一個客制化嘅後台。最後如果你尋找緊一間香港網頁設計公司幫你嘅品牌去整網頁，歡迎直接聯絡我哋傾下！
