點解要做網上推廣？
喺呢個年代基本上人人都識上網，上Facebook、Instagram、YouTube消磨時間，喺Google尋找各式各樣嘅商品同服務。如果你嘅業務係實體性質，例如係一間Coffee Shop，透過網上推廣可以令到更多人知道你嘅存在，更可針對你嘅目標客群作出推廣。而且網上推廣可以無間斷無地域性咁進行，更容易同直接讓你嘅目標客群發現到你。如果你嘅業務係集中網上進行，例如係一間網上花店，網上推廣變得更為重要，因為網上推廣係唯一嘅途徑去讓你個人圈子以外嘅潛在客戶搵到你。
常見網上推廣方法
內容行銷(Content Marketing)
針對你嘅目標客群，為佢哋創作嘅有價值嘅內容，幫助佢哋解決佢哋遇到嘅問題，從而吸引佢哋去主動認識你所提供嘅產品同服務。而針對網上推廣所建立嘅內容可以係一篇文章、一幅Infographics、一段影片、甚至係一啲小工具（例如網頁設計報價計算機）。
如何開始以內容行銷嘅慨念去做網上推廣？
最簡單嘅方法就係整一個網頁加一個Blog功能，又或者直接利用Medium呢類嘅Blogging平台，就著你嘅特定客群去篇寫文章去解答佢哋經常會問/遇到嘅問題。
電子郵件行銷 (Email Marketing)
潛在顧客或現有顧客嘅email都可以用作網上推廣，簡單如向佢哋發送關於你嘅產品或服務嘅實用資訊及優惠。利用email automation平台如MailChimp，向你嘅客戶自動發送電郵，甚至可以在特定情況觸發。例如當客戶經常點擊你嘅郵件，系統可以自動發送特別嘅推廣優惠電郵，促成交易。
如何開始以電子郵件行銷去做網上推廣？
可以先整理出現有客戶嘅電郵，再定期向佢哋發送實用資訊或推廣優惠。當然要注意發送嘅內容質素及頻率，最理想更要喺收集電郵地址時（如Newsletter表格）提供Opt-in及在電郵中提供Opt-out方法，因為無人鐘意收到垃圾郵件。
搜尋器排名優化（SEO)
一個無做任何推廣嘅網站就好似係一個無人行過嘅後巷開鋪，唔會有人留意到。如果你嘅網站或者網店SEO做得唔好，內容又唔夠，結果令你嘅網站唔會有人係Google等搜尋器排名結果到見到你嘅網站。如果你希望為你嘅網站從網上為你帶來生意，SEO會係一個幾好嘅選擇，因為呢個年代人人都會用搜尋器搵嘢。而配合適當嘅內容行銷策略更有助你嘅品牌在潛在客戶心目中建立信任，為你嘅業務帶來源源不絕嘅新客戶。
如何開始以搜尋器排名優化去做網上推廣？
最基本要做嘅會係整合Google Analytics同埋Google Search Console，跟住跟據每一頁嘅重點keyword每一頁寫返一個合適嘅title同description。以上係最簡單嘅可以做嘅野，至於點樣搵keywords同其他做SEO嘅方法，可以參考Ahrefs嘅教學，又或者了解一下我哋嘅SEO服務。
如果你嘅網站使用Wix、Webflow、Shopify等建站平台，可以參考返佢哋各自嘅官方SEO指南:
https://help.shopify.com/zh-TW/manual/promoting-marketing/seo/seo-overview
如果你使用WordPress可以用呢兩個免費插件：
社交媒體（Social Media Marketing)
無可否認社交媒體係網上推廣嘅重要一環，因為大部份男女老幼都會使用社交媒體。特別喺年輕一代，社交媒體已變成佢哋日常生活嘅一部份，佢哋會透過社交媒體吸收資訊、進行買賣、與他人互動和消磨時間。如果你嘅產品或品牌喺社交媒體有一定嘅曝光率，就可以吸引到一定數量嘅潛在客戶。
如何開始以社交媒體去做網上推廣？
因為社交媒體著重以algorithm去展示相關內容嘅使用者，所以你嘅賬號最好要有一個主題，並且定期發佈新嘅內容，亦可與其他使用者互動，建立品牌形像。最好配合上適當嘅內容行銷策略，讓你嘅潛在容戶不得不Follow你嘅賬號。
Influencer / KOL宣傳
KOL宣傳就喺利用線上有名氣嘅人去幫你嘅產品進行宣傳，常見嘅方式會係喺社交媒體上幫你出post，或者幫你拍有一段置入式廣告嘅YouTube影片。呢個亦都係一個有效為你嘅產品帶來曝光率嘅宣傳方法，不過就要小心選擇KOL及審核相關嘅post或影片，否則可能為你帶來負面嘅宣傳。
如何開始搵KOL去幫手做網上推廣？
好多KOL都會有留低聯絡方法比人搵佢哋合作，所以直接聯絡佢哋或者佢哋嘅經理人亦係一個途徑。另外最近亦有一啲新興嘅KOL推廣平台，大家亦可以留意一下。
社交媒體廣告(Social Media Advertising) / 搜尋器廣告(SEM/PPC) / APP廣告 (In-app Advertising)
網上落廣告亦係一個較快見效嘅網上推廣方法，特別係佢可以做針對特定嘅客群落廣告，提升廣告成效，可以落廣告嘅地方亦有好多種，有搜尋器(e.g. Google)、社交媒體（e.g. Instagram, LinkedIn)、手機應用程式內及不同網站（e.g. 透過AdMob及AdSense)。相比起傳統廣告，網上廣告可以直接透過曝光率、點擊率及轉換率(Conversion Rate)等指標準確地了解廣告成效。
如何開始係網上落廣告做網上推廣？
最簡單可以直接去相關嘅網上廣告平台註冊並投放廣告，不過最好要先學下各平台網上落廣告嘅方法同原理，以免浪費金錢，又或者可以搵我哋幫手落Google Ads！
Google Ads
https://support.google.com/google-ads/answer/6146252?hl=en
https://ads.google.com/intl/en_hk/home/
Facebook & Instagram
https://www.facebook.com/business/ads
https://business.instagram.com/advertising?locale=zh_HK
如何選擇合適嘅網上推廣方法
網上推廣方法有咁多種，邊有時間同成本做哂咁多樣？呢個問題好多人都會身同感受，大家可以思考下以下嘅問題幫助做決定：
- 呢種網上推廣方法會否接觸到我嘅目標客群？
- 呢種網上推廣方法會否有來成效？
- 承上題，呢種網上推廣方法嘅ROAS(Return on Ad Spend)/ROI(Return on Investment)係？每一個客戶嘅Customer Acquisition Cost (CAC)係幾多？
- 邊一種網上推廣會我帶來最多嘅業務？
- 現有嘅時間同成本可以有效地同時做到邊幾種網上推廣方法?
- 如果比錢搵其他人幫手做網上推廣(不論係請員工，搵freelancer或agency)會否帶來更多嘅業務？