成功嘅行銷策略係發展業務嘅致勝關鍵，但要做好廣告行銷又實屬不易。除咗要學識規劃同計算KPI，亦需要花時間同心力分析市場反應。然而，上次就簡單介紹5個廣告行銷術語，今次就會再分享2個分析指標—ROAS同ROI。你又有否了解過ROAS同ROI？又知唔知佢地嘅概念同公式？若對以上問題都感到困惑，不妨用5分鐘了解下，更可學習一啲提升Google Ads ROAS嘅方法。
咩係ROAS？
ROAS（Return on AD Spending），中文全稱為廣告投資報酬率。ROAS係常見分析廣告成效嘅KPI之一，用作衡量廣告效果的指標，表示銷售收入與廣告成本嘅比例。ROAS嘅公式為計算廣告收益佔廣告成本嘅百份比，當中並唔會涉及到總成本，只會以廣告費作為分析依據。ROAS可以幫助公司了解廣告策略是否有效，並決定是否繼續投入資金。然而ROAS嘅計算著重於收益(Revenue)，並唔係利潤(Profit)，所以想了解廣告策略對於你嘅生意最終係賺定蝕，就需要更全面嘅數據分析。
ROAS公式：
（廣告收益/廣告成本）*100% ＝ROAS
簡單舉例，當廣告費為$1,000，並得到$3,000收益，ROAS就係300%。簡單而言，即係落呢個廣告可以帶嚟3倍嘅收益。
咩係ROI？
ROI （Return on Investment），中文全稱為投資報酬率。ROI計算廣告利潤同總成本嘅關係，而總成本係涉及廣告成本同其他成本如：生產及人力成本等。套用喺落廣告嘅層面上，ROI相比起ROAS更能反映整體投資的效益，從而了解到落廣告會否為你嘅生意帶來實際利潤。
ROI公式：
[(收益-銷售成本)/銷售成本]*100%＝ROI
簡單舉例，當廣告費為$1,000，每件產品生產成本為$100，銷售價格為$300，而最終成功售出10件時，銷售成本為$（1000+1000)＝ $2,000 ，而利潤為$( 300*10-2000)＝$1,000，所以ROI為50%。
ROAS vs ROI
雖然ROAS同ROI同樣與廣告效益有關，但從以上例子中都可看出兩者嘅區別，ROAS同ROI係相同收益下，所得出嘅結果有頗大差距。咁係咪ROAS誇大廣告嘅成效？當然唔係，只係因為ROI同ROAS所著重嘅因素並唔一樣。ROAS只著重落廣告嘅效益；而ROI則著重成盤生意透過落廣告帶來的回報效益。因此，要創造廣告利潤，就必須使用有效的廣告策略，提升ROAS；並觀察ROI的變化，睇下營運上有冇一啲成本會影響到實際利潤。
如何提高Google Ads ROAS？
「落完廣告遲遲未見成效要點樣改善？」相信唔少公司落完廣告都會有呢個疑問，但與其病急亂投醫。不如先由兩大方面入手，從降低廣告成本同提高廣告收益兩方面分析。以下就會分別講解喺兩大方向下有咩方法改善行銷廣告嘅表現。
降低廣告成本
1. 提升廣告品質
削減預算固然可直接降低成本，但其實提升廣告品質都會有效減低成本。按照Google有關廣告評級嘅解釋，廣告品質會影響排名、競價及廣告費用，而越優秀嘅廣告所付嘅費用亦越低，所以與其削減預算，不如由改善廣告質素入手。當Google對公司所投放嘅廣告評分越高，於相約價錢及競價策略下自然會提高公司廣告排名同降低廣告費用。不過，Google評估廣告品質分數時除咗會考慮到關聯性、CTR（點擊率）外，更會將用戶體驗納入考量，所以登陸頁（Landing Page）嘅設計亦係調整方向之一。
2. 關鍵字優化
如上述所提及，廣告嘅關聯性亦會影響住廣告品質及評分，所以廣告內容需要精準投放關鍵字。若然公司目標客群係按照地區或國家而定，可集中投放廣告於該地區。此外，亦可研究競爭者所忽略嘅關鍵字，搵出低競爭力但具關連性嘅關鍵字，就可用較低價落關鍵字廣告同時增加關連性。其次，善用長尾關鍵字（Long Tail Keywords）都有助減低廣告成本。雖然長尾關鍵字嘅搜索量唔高，但CPC（單次點擊成本）可能會較其他熱門關鍵字低，亦較大機會可以帶嚟更為準確嘅點擊率，有助降低廣告成本。
提高廣告收益
1. 網頁優化（Landing Page Optimzation）
登陸頁（Landing Page）就如同公司嘅門面，影響客群對公司嘅第一印象，所以Landing Page唔止要有吸睛嘅設計，亦要提供具條理及清晰嘅資訊，令到用戶成功搜索想要嘅資訊。當網站能滿足到用戶嘅期望，自然會更易提高轉化率（Conversion Rate）。然而，若想品牌網站具吸引力及架構清晰，就要懂得透過改善UI及UX提高用戶體驗，令客戶對公司留下好印象。
2. 善用追加銷售(Upselling)及交叉銷售(Cross-selling)
以上所提及嘅方法主要以吸引客戶為主，然而想有效提升收益，除咗要令客戶有消費慾望，亦可以善用追加銷售(Upselling)及交叉銷售(Cross-selling)嚟鼓勵客戶消費更多。兩者同樣有助增加銷售額，但執行上就有所不同。Upselling目標為令客戶購買更多商品及加購相關產品或服務，提供加購價及滿額免運都係常用嘅策略。而Cross-selling則希望用戶消費時會選購關聯產品及服務，所以網站可以加入「組合商品」或「購買此產品的人也會買」等選擇，吸引客戶留意關聯嘅產品，從而提高銷售額。
3. 推行優惠及推廣活動
優惠及推廣活動亦係增加營業額嘅方法之一，推出優惠係相當常見嘅做法，但都有唔少細節要顧及，例如：公佈平台、時間及內容等。簡單舉例，大多數公司都會喺節日時段推出形形式式嘅優惠，若品牌要喺眾多推廣優惠中脫穎而出，就要合時推出適合目標客群嘅活動，先可以得到佢地嘅關注，從而提高銷售。
總結
其實不論係ROAS定ROI都係同廣告成效有關，只係應用嘅情況唔一樣。ROAS適合用於檢視廣告效益，而ROI則反映出業務透過落廣告帶來嘅利潤。所以當公司要分析行銷廣告是賺還是蝕，從而作出調整時，其實兩項指標都需要留意。
其實分析廣告成效只係做好行銷策略嘅其中一步，最重要嘅係計劃、測試、分析同優化。然而當公司業務開始發展時，未必有足夠時間同心力作出改善。所以不妨有需要時搵專業人士嘅幫忙，如上所述提升廣告品質係需要多方面嘅配合，如SEO、內容行銷及網頁設計等。若需要一條龍服務，歡迎搵我地做免費咨詢。